બચાવ પક્ષનો પુરાવો

(૧) ત્યાર પછી આરોપીને પોતાનો બચાવ શરૂ કરવા અને પોતાનો પુરાવો રજૂ કરવાનું ફરમાવવું જોઇશે અને આરોપી કોઇ લેખિત કથન રજૂ કરે તો મેજિસ્ટ્રેટે તેને રેકડૅ સાથે સામેલ કરવું જોઇશે.

(૨) પોતાનો બચાવ કરવાનું શરૂ કર્યા પછી આરોપી કોઇ સાક્ષીને જુબાની માટે કે ઉલટ તપાસ માટે તેને હાજર રહેવાની ફરજ પાડવાનો અથવા કોઇ દસ્તાવેજ કે બીજી વસ્તુ રજૂ કરવા માટે ફરજ પાડવાનો કામગીરી હુકમ કાઢવાની મેજિસ્ટ્રેટને અરજી કરે તો એવી અરજી ત્રાસ આપવા કે વિલંબ કરવા કે ન્યાયનો હેતુ નિષ્ફળ કરવા માટે કરવામાં આવેલ હોવાના કારણે નામંજુર કરવી જોઇએ અને એવા લેખિત કારણો જણાવવા જોઇએ એમ પોતાને લાગે તે સિવાય તેણે એવો કામગીરી હુકમ કાઢવો જોઇશે.

પરંતુ પોતાનો બચાવ શરૂ કરતાં પહેલા આરોપીએ કોઇ સાક્ષીની ઉલટ તપાસ કરી હોય અથવા તેની ઉલટ તપાસ કરવાની તેને તક મળેલ હોય ત્યારે તે સાક્ષીની હાજરી ન્યાયના હેતુ માટે જરૂરી છે એવી મેજિસ્ટ્રેટને ખાતરી થાય તે સિવાય આ કલમ હેઠળ તેને હાજર રહેવા માટે ફરજ પાડવામાં આવશે નહી.

વધુમાં આ પેટા કલમ હેઠળ સાક્ષીની તપાસ રાજય સરકાર દ્રારા ઠરાવવામાં આવે તેવા નિયુકત સ્થળે ઓડિયો વિડિયો ઇલેકટ્રોનિક સાધનો દ્રારા પણ થઇ શકશે.

(૩) પેટા કલમ (૨) હેઠળ ની અરજી ઉપરથી કોઇ સાક્ષીને હાજર થવા માટે બોલાવતા પહેલા તેને ઇન્સાફી કાયૅવાહીના હેતુ માટે હાજર થવામાં થતા વાજબી ખચૅની રકમ ન્યાયાલયમાં અનામત મૂકવા મેજીસ્ટ્રેટ ફરમાવી શકશે.