આરોપીને અને અન્ય વ્યકિતઓને ફેંસલાની નકલ આપવા બાબત

(૧) આરોપીને કેદની સજા કરવામાં આવે ત્યારે ફેંસલો સંભળાવ્યા પછી તરત ફેંસલાની નકલ વીના મુલ્યે તેને આપવી જોઇશે.

(૨) આરોપીની અરજી ઉપરથી ફેંસલાની પ્રમાણિત નકલ અથવા તે માગે ત્યારે શકય હોય તો તેની પોતાની ભાષામાં અથવા ન્યાયાલયની ભાષામાં કરેલું ફેંસલાનું ભાષાંતર તેને વિના વિલંબે આપવું જોઇશે અને ફેંસલા સામે આરોપી જે કેસમાં અપીલ કરી શકતો હોય તે દરેક કેસમાં આવી નકલ તેને વિના મૂલ્યે આપવી જોઇશે. પરંતુ ઉચ્ચન્યાયાલય મોતની સજા ફરમાવે કે બહાલ રાખે ત્યારે આરોપી ફેંસલાની પ્રમાણિત નકલ માગે કે ન માગે તો પણ તેને તરત વીના મૂલ્યે આપવી જોઇશે.

(૩) પેટા કલમ (૨)ની જોગવાઇઓ આરોપી જેની સામે અપીલ કરી શકતો હોય તેવા ફેંસલાની બાબતમાં લાગુ પડે છે તેમ કલમ-૧૩૬ હેઠળ હુકમને લાગુ પડશે.

(૪) કોઇ ન્યાયાલય આરોપીને મોતની સજા કરે અને એવા ફેંસલા ઉપર અપીલ કરવાનો તેને હકક હોય તો આરોપી અપીલ કરવા માગતો હોય તો તેણે કેટલા સમયમાં અપીલ કરવી જોઇએ તે તેને ન્યાયાલયે જણાવવું જોઇશે.

(૫) પેટા કલમ (૨) માં અન્યથા ઠરાવ્યું હોય તે સિવાય ફોજદારી ન્યાયાલયે આપેલા ફેંસલા કે હુકમથી અસર પામનાર કોઇ વ્યકિતને આ માટે અરજી કરે અને ઠરાવેલો ચાજૅ ભરે તો તે ફેંસલા કે હુકમની અથવા કોઇ જુબાનીની કે રેકડૅના કોઇ ભાગની નકલ આપવી જોઇશે. પરંતુ ન્યાયાલયને ખાસ કારણસર યોગ્ય લાગે તો તેને વિના મુલ્યે તે આપી શકશે. વધુમાં ન્યાયાલય ફરિયાદપક્ષના અધિકારી દ્રારા આ અથૅ અરજી કયૅથી સરકારશ્રીને એવા ફેંસલા હુકમ જુબાની કે રેકડૅની એક પ્રમાણિત નકલ વિનામૂલ્યે પૂરી પાડશે.

(૬) ઉચ્ચન્યાયાલય નિયમો કરીને ફેંસલા કે હુકમથી અસર પામેલ ન હોય તે કોઇ વ્યકિતને ઉચ્ચન્યાયાલય નિયમોમાં ઠરાવે તે ફી ભરે તો અને તે શરતોએ તેને ફોજદારી ન્યાયાલયના ફેંસલા કે હુકમની નકલો આપવા માટે જોગવાઇ કરી શકશે.